Beritabudaya » DINA PAHLAWAN
Saben tanggal 10 November bangsa Indonesia mengeti dina Pahlawan. Semono uga taun 2011 iki, dina Kemis wingi, 10 November, kabeh bangsa Indonesia akeh sing padha mengeti dina Pahlawan, kanthi cara kang maneka warna. Ana sing ngadani “upacara bendera” ing sekolah (kaya kang akeh katindakake bocah-bocah sekolah lan pegawe), ana sing pancen nyantuni para veteran lan janda pahlawan sing isih sugeng, kanthi caos sembako, ana sing nyekar menyang pasareyan Makam Pahlawan, lan sapiturute. Kabeh wujud mau kanggo tandha bekti yen pahlawan iku akeh lelabuhane marang negara, nganti negarane bisa mardika, uwal saka penjajah bangsa liya.
Jaman semana, nalika ngadhepi taun 45, nganti kamardikan taun 45, engga sawise taun 45, akeh rakyat Indonesia sing padha gugur ing palagan paprangan mbela tumpah darah. Sing jeneng pahlawan iku ora mung sing jeneng anggota TNI thok, nanging kabeh rakyat sing melu manggul senjata numpes penjajah kang ngejegi bumi pertiwi. Kamangka dheweke iku racake mbela negara tanpa nduweni pamrih sethithika. Dadi iklas lair batin. Amarga dheweke wis padha jeleh nandhang kasangsaran dijajah dening penjajah sing gonta-ganti. Arep tumindak apa-apa akeh aturane. Kamangka urip neng negarane dhewe. Nganti mangan wae tansah kekurangan, amarga sebageyan bandhane wis kajupuk dening panjajah diangkat neng negara asale.
Emena, kanthi akehe pahlawan kang gugur katumpes penjajah mau ora disadhari dening para pemudha ing jaman saiki. Bocah enom saiki ngertine urip kepenak, apa-apa kecukupan. Kamangka kanggo bisa nyukupi kabeh mau, kang sepisanan kudu merdeka. Sawise mardika, diisi kanggo mbangun bangsa lumantar sandhang, pangan, papan, lan kabutuhan liyane. Nanging akeh para pemudha nduweni kapinteran kanggo apus-apus, korupsi, mendem, ngganja, nyabu, maling, lan tumindak ina liyane. Apa kang kaya mangkono iku ora malah dadi gawe getun, sedhih, lan mirise para pahlawan sing wis seda, upamane dheweke krungu? Mula, kanthi anane dina Pahlawan, kudu bisa digunakake saapik-apike dening para pemudha kanggo melu mbangun negara, supaya kabeh rakyat melu ngrasakake urip mulya.
Berita
HARI PAHLAWAN
Setiap tanggal 10 November bangsa Indonesia memperingati hari Pahlawan. Demikian juga tahun 2011 ini, hari Kamis kemarin, 10 November, semua bangsa Indonesia banyak yang memperingati hari Pahlawan, dengan berbagai cara. Ada yang dengan melaksanakan upacara bendera di sekolah (seperti yang banyak dilakukan anak-anak sekolah dan pegawai negeri), ada yang memang menyantuni para veteran dan janda pahlawan yang masih hidup, dengan memberikan sembako, ada yang tabur bunga di Makam Pahlawan, dan sebagainya. Semua bentuk tadi sebagai tanda bakti jika pahlawan itu banyak jasanya terhadap negara, hingga negara bisa merdeka, lepas dari penjajah bangsa lain.
Zaman dulu, ketika menghadapi tahun 45, hingga kemerdekaan tahun 45, bahkan sampai melewati tahun 45, banyak rakyat Indonesia yang gugur di medan perang membela tumpah darah. Yang namanya pahlawan itu tidak hanya yang beranggota TNI saja, tetapi semua rakyat yang ikut memanggul senjata menumpas penjajah yang menguasai bumi pertiwi. Padahal mereka itu umumnya membela negara tanpa memiliki pamrih sedikitpun. Jadi ikhlas lahir batin. Sebab mereka itu sudah bosan menderita sengsara dijajah oleh penjajah yang berganti-ganti. Akan berbuat apa pun banyak terkendala aturan. Padahal hidup di negaranya sendiri. Hingga makan saja terus kekurangan, sebab sebagian harta benda bangsa ini telah diambil oleh panjajah dibawa ke negara asal penjajah.
Sayangnya, dengan banyaknya pahlawan yang gugur dibunuh penjajah tadi tidak disadari oleh para pemuda di zaman sekarang. Anak-anak muda sekarang tahunya hidup enak, semuanya kecukupan. Padahal untuk dapat mencukupi semua itu, yang pertama kali harus ada adalah merdeka. Setelah merdeka, diisi untuk membangun bangsa lewat sandang, pangan, papan, dan kebutuhan lainnya. Tetapi banyak para pemuda memiliki kepandaian untuk berbohong, korupsi, mabuk-mabukan, menghisap ganja, nyabu, mencuri, dan berbuat jahat lainnya. Apakah yang demikian itu justru tidak membuat kecewa, sedih, dan ngeri para pahlawan yang sudah meninggal, seupama mereka mendengarnya? Maka, dengan adanya hari Pahlawan, harus bisa digunakan sebaik-baiknya oleh para pemuda untuk ikut membangun negara, agar semua rakyat ikut merasakan hidup makmur dan sejahtera.
Teks oleh : Suwandi
Ilustrasi oleh : Sartono
